Xəbərlər
04 Dec 2023
Park Cinema Park Bulvar-da “Cin Atı” filminin imza günü keçirildi
Dekabrın 2-də "Park Bulvar AVM" təşkilati dəstəyi ilə "Park Cinema" kinoteatrında "Cin Atı" filminin imza günü keçirilib.
Tədbirdə filmin baş rol ifaçıları, aktyorlar və başqaları iştirak edib. Onlar izləyicilərlə görüşüb filmi müzakirə etdikdən sonra, birlikdə ekran işini izləyiblər.
Film haqqında qısa sinopsisi də Sizə təqdim edirəm;
Sirkdə təlimçi işləyən Xilafə alnına dəyən atın zərbəsindən huşunu itirir və ölüm ayağında həyat yoldaşı Ələşrəfdən xahiş edir ki “heç olmasa ilimi gözlə sonra evlən!” Ələşrəf söz verir ama təbii ki sözünün üstündə durmur və 40 gündən sonra Arifə adlı xanımla evlənir. Cin atına minən Xilafənin ruhu Ələşrəflə Arifəni toy gecəsi qovuşmağa imkan vermir. Qorxulu vəziyyətlərlə üzləşən bəylə gəlin kama çata bilmir. Bir birini əvəz edən nəfəs kəsici səhnələr qorxulu komediya filmini daha baxımlı edir. Gözünüzü ekrandan çəkə bilməyəcəyiniz və bir nəfəsə baxacağınız film 1 saat 23 dəqiqədir.
Digər xəbərlər
